अयं वाव लोको हाउकारो वायुर्हाइकारश्चन्द्रमा अथकारः ।
आत्मेहकारोऽग्निरीकारः ॥ १ ॥

ayaṃ vāva loko hāukāro vāyurhāikāraścandramā athakāraḥ |
ātmehakāro'gnirīkāraḥ || 1 ||

आदित्य ऊकारो निहव एकारो विश्वेदेवा औहोयिकारः प्रजापतिर्हिङ्कारः प्राणः
स्वरोऽन्नं या वाग्विराट् ॥ २ ॥

āditya ūkāro nihava ekāro viśvedevā auhoyikāraḥ prajāpatirhiṅkāraḥ prāṇaḥ
svaro'nnaṃ yā vāgvirāṭ || 2 ||

अनिरुक्तस्त्रयोदशः स्तोभः सञ्चरो हुङ्कारः ॥ ३ ॥

aniruktastrayodaśaḥ stobhaḥ sañcaro huṅkāraḥ || 3 ||

दुग्धेऽस्मै वाग्दोहं यो वाचो दोहोऽन्नवानन्नादो भवति य एतामेवꣳसाम्ना
मुपनिषदं वेदोपनिषदं वेदेति ॥ ४ ॥

dugdhe'smai vāgdohaṃ yo vāco doho'nnavānannādo bhavati ya etāmevam̐sāmnā
mupaniṣadaṃ vedopaniṣadaṃ vedeti || 4 ||

इति त्रयोदशखण्डभाष्यम् ॥

इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य
श्रीमच्छङ्करभगवतः कृतौ छान्दोग्योपनिषद्भाष्ये प्रथमोऽध्यायः
समाप्तः ॥

iti trayodaśakhaṇḍabhāṣyam ||

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya
śrīmacchaṅkarabhagavataḥ kṛtau chāndogyopaniṣadbhāṣye prathamo'dhyāyaḥ
samāptaḥ ||