षष्ठं ब्राह्मणम्

त्रयं वा इदं नाम रूपं कर्म तेषां नाम्नां वागित्येतदेषामुक्थमतो हि
सर्वाणि नामान्युत्तिष्ठन्ति । एतदेषां सामैतद्धि
सर्वैर्नामभिः सममेतदेषां ब्रह्मैतद्धि सर्वाणि
नामानि बिभर्ति ॥ १ ॥

trayaṃ vā idaṃ nāma rūpaṃ karma teṣāṃ nāmnāṃ vāgityetadeṣāmukthamato hi
sarvāṇi nāmānyuttiṣṭhanti | etadeṣāṃ sāmaitaddhi
sarvairnāmabhiḥ samametadeṣāṃ brahmaitaddhi sarvāṇi
nāmāni bibharti || 1 ||

अथ रूपाणां चक्षुरित्येतदेषामुक्थमतो हि सर्वाणि
रूपाण्युत्तिष्ठन्त्येतदेषां
सामैतद्धि सर्वै रूपैः सममेतदेषां ब्रह्मैतद्धि सर्वाणि रूपाणि बिभर्ति ॥ २
॥

atha rūpāṇāṃ cakṣurityetadeṣāmukthamato hi sarvāṇi
rūpāṇyuttiṣṭhantyetadeṣāṃ
sāmaitaddhi sarvai rūpaiḥ samametadeṣāṃ brahmaitaddhi sarvāṇi rūpāṇi bibharti || 2
||

अथ कर्मणामात्मेत्येतदेषामुक्थमतो हि सर्वाणि कर्माण्युत्तिष्ठन्त्येतदेषां
सा मैतद्धि सर्वैः कर्मभिः सममेतदेषां ब्रह्मैतद्धि सर्वाणि कर्माणि
बिभर्ति तदेतत्त्रयं सदेकमयमात्मात्मो एकः सन्नेतत्त्रयं
तदेतदमृतं सत्त्येन च्छन्नं प्राणो वा अमृतं नामरूपे सत्त्यं
ताभ्यामयं प्राणश्छन्नः ॥ ३ ॥

atha karmaṇāmātmetyetadeṣāmukthamato hi sarvāṇi karmāṇyuttiṣṭhantyetadeṣāṃ
sā maitaddhi sarvaiḥ karmabhiḥ samametadeṣāṃ brahmaitaddhi sarvāṇi karmāṇi
bibharti tadetattrayaṃ sadekamayamātmātmo ekaḥ sannetattrayaṃ
tadetadamṛtaṃ sattyena cchannaṃ prāṇo vā amṛtaṃ nāmarūpe sattyaṃ
tābhyāmayaṃ prāṇaśchannaḥ || 3 ||

इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य
श्रीमच्छङ्करभगवतः कृतौ बृहदारण्यकोपनिषद्भाष्ये प्रथमोऽध्यायः ॥

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya
śrīmacchaṅkarabhagavataḥ kṛtau bṛhadāraṇyakopaniṣadbhāṣye prathamo'dhyāyaḥ ||